ليش نبچي؟؟؟
وليش خلينه الدمع ينزل رخيص
وليش كل لحظة جرح نكتب شعر
وليش ذبينه الفرح والهم چبير
وليش رغم أخطائنه نحب نستمر
ليش مذبوح الوفه بلحظة خداع
وليش مات الشوگ والحب يحتظر
آه يادنيه صدگ ما بيچ أمان
وفرق بين اليوم وأيام الزغر
چانت گلوب البشر تنصع بياض
هسه لون گلوبهم ما ينحزر
ممكن بلحظة يجيك بكل هدوء
وممكن بلحظات يتحول نمر
وأنه محتار ويه روحي بهالزمان
ساعه أشد روحي مثل شد الحديد
وساعه ألين الروح حد ما تنعصر
وساعه أحس روحي على هدومي غريب
خلص صبري وما بعد بيه صبر
