روايهـ اعترفت انك تحت ضوء القمر تتلاشى بك النجوم و المنارات

السلام عليكم
كيفك بنوووتات
راح اكتبلكم اول روايه لي كل يوم بارت و اذا شفت تفاعلات راح انزل ٢ مع بعض

للمعلوميه فقط لاااااحلل من ينقل هذه الروايه بدون نسب اسمي ( فتاهـ القمر المضيء) و أيضاً باستاذاني و شكرًا ❤

.......

( روايهـ اعترف انگ تحت ضوء القمر تتلاشى بگ النجوم والمنارات )
كانت هناك فتاهـ كل ماتضيق بها الدنيا تنضر الى القمر و تشكو له همومها
هذه الفتاهـ هي غزل .
غزل عمرهـا ٢٠سنهـ بنت حلووهـ مرررررهـ كل من يطالع فيها يتعجب من جمالها و ببياضها الساطع عيونها عسليهـ نحيفهـ جسمها يوحي بجسم عارضات الازيااء طيوووبهـ مرهـ وحنونهـ خفيفهـ دم تعشق عمل المقالب في صديقاتها الكل معجب بصوتها حتى انهم يوصفون صوتها بالكلثومي تجلست اوقات كثيره مع صديقاتها و يسهرون على نغمات صوتها العذب و هي تغني لام كلثوم و عبد الحليم و فيروز
صديقاتها المفضلات رهف و رغد تكون بنت عمت رهف عمرهم ٢٠ سنهـ كل وحدهـ خفيفهـ دم اكثر من التانيهـ وطيوبين وحلوين
ام و ابو رهف طيوبين مرهـ مع غزل وكذلك رغد
نبدأ :
غزل صحيت من النوم جسمها طايح مرهـ: ناتي ناتي تعالي
ناتي الشغالهـ : نعم مس غزل
غزل : أف ليه ماتردي من اول بانادي عليكي انصنجتي انطرشتي
ناتي: يالله مس غزل انتي بس قرقرقرقرقرقرقر انا في شغل كتير
غزل : بس بس بس خلاص ماابا اسمع منك ول كلمه روحي سويلي كوبوتشينو وياويلك لو مو مزبوطه اخليكي كوب من غير تشينو
ناتي : حاااااااضر مس غزل دحين في روح
ترررررررن تررررررررن ترررررررررن
ناتي : الو
رهف : الو ناتي فين مس غزل
ناتي : مين انتهـ
رهف : يعني مين رهف
ناتي: غزاااال هادا رهف في تلفووون
نطت لتحت سريع مسرعه للتلفون
غزل بدلع لايق لها : الوووووووووو ميييييين أف طفشانه لسه ماقمت كويس من النوم مين المزعجه اللي بتتصل
رهف : هلاااا هلاااا هلاااا ريحتك وااااصله لعندي كلك نوم
غزل : كمان كدابه ريحتي فل و ياسمين و ريحان
رهف : اللهـ يقطع شرگ هههههه كيفك
غزل : كويسه الحمدلله وانتي
رهف : نحمدالله جات على مانتمنى ماما تقول تعالي معانا الشاليه ايش رايگ اباكي تجيبي جيتارگ وانا بجيب الطبلهـ ونقلبها طقطقه وناسه في الشاليه تبعنا
غزل : يولد هادا المطلوب دحين صحصحتيني
رهف : شوفي مو تجي ناشفه حاشفه يد ورأ ويد قدام مريلك يختي على باسكن جيبي شي يبرد على قلبنا ول روحي سعد الدين يختي وجيبي كيكه كتكات ميته عليها ليه فتره
غزل : طول عمرك حتفضلي مفجوعه تعزميني و تعالي و تقولي جيبي أكلك معاكي بطلت اجلس في البيت ابرك و اجيب كيكتي اكلها لوحدي
رهف : ههههه بديناااا
غزل : لا انتهينا ههههههههههه
رهف : طيب محد يعطيكي وجه نتقابل في الـــشاليه
طووووط طووووط طووووط
......................................................................................................................

من تأليف فتاهـ القمر المضيء الرجاء عدم نسبها الا بفتاهـ القمر المضيء او بنوتهـ بس سعوديهـ و شكرًا

.....................................................................................................................
طلعت غزل غرفتها تبدل ملابسها
وهيه ماشيه بسرعه دفت برواز في صوره أمها و أبوها من غير قصد شالت الصوره في يدها
وبدأت تبكي بصوت عالي ماما ليش سبتيني انتي و بابا ليه اتخليتو عني ايش السبب حاسه بوحده حاسه بفراغ كبير محتاجه لحضنك يماما نفسي أضمك يبابا لكن أنتو فين في اي مكان يارب خليني التقي بمن احب في اسرع وقت وهمه في خير حال
......................................................................................................................
عند عمها عبد الله
عزام : عبدالله صراحهـ انا حاسافر فرنسا و حبيت أقلك خذ سيارتي ولمن ارجع اخدها منك
عبدالله : ايش تقوووول مساااافر و انا اخر من يعلم ايش احنا مااتفقنا انو نسافر مع بعض لمن تجي البعثه
عزام : ابويا رافض يقول اطلع غلق أمورك وشوف لنفسك السكن و الجامعه عشان صارت الدراسه على الأبواب
عبدالله : هادهـ اتفاقنا ايت صداقه يااخي دي هادي صداقه اي كلام
عزام : انتهـ زعلت
عبدالله : ههههه لا أبدا انا مازعلت بس هادي اسمها خيانه وريني حتقدر تشوف نفسك بالمرايه
روح ياخي روح ماابا اشوف وجهك
عزام : عبدالله عبدالله تعال
عبدالله : روح انا ماابا اشوف وجهك روح يااخي
عزام : وليش ان شاء الله
عبدالله بصراخ : أقلك روح
عزام عصب و ضرب السيارهـ بالقوه
دخل عزام السيارهـ يبا يروح بس سمع صوت جوال
دار وجهه لقا جواله
عزام : أف كيف حاجيبه
قال في نفسه مين المتصل فشاف و طلع
.....................}

غـــــــزولــــهـ
عزام : ياربي ارد ول لا
رد
غزل : عموووو فينك خوفتني عليـــــــــك
عزام : احم احم
غزل : ااا
عزام : اتزاعلنا انا و عمك و نسي جواله عندي في السيارهـ
غزل : اها طيب سلام
عزام : استني
غزل : خير
عزام : حاجبلك الجوال و امشي
غزل : لا و الله في شي اسمو توديه لصاحبك
عزام : انا قريب كمان شويهـ اتصلبك و تقوليلي انتي فينك
غزل : اشلك دخل
عزام : ابا أكلمك في موضوع عمك زعـــــ
رخت في وجهه
عند عبدالله
راح لتكسي و جلس يدور على جواله فقال يووووه فسياره عزام اكيد غزل اتصلت
غزل كانت جالسه مع رغد ويجيها عمها عبدالله فرغد انسحبت
غزل : هلااا و الله بعمووو
عبدالله : اهلين فيكي
غزل : اعطيني جوالك باانزلك شي
عبدالله : نسيته فسياره صاحبي
غزل : اها طيب

كالعادة إبداع رائع

وطرح يستحق المتابعة

شكراً لك

بإنتظار الجديد القادم
دمت بكل خير

تسلمي اختي
فجاهـ يجي اتصال من عزام لغزل
وهنا غزل ارتبكت و بعدت شويهـ من عمها
غزل : الو
عزام : فينك انا وصلت
غزل : هيه انتهـ لا تحسبني من البنات اللي في بالك و انا رايحه اقول لعمي
عزام : انا سويتلك شي انا عملتلك حاجه
غزل : انا رايحه اقول لعمي
عزام : طب اسمعي أقلك
طوط طوط طوط رخيت في وجهه الخط
عزام : ايش هادي البنت الجفصه رزله ماتخلي الواحد يتكلم
غزل راحت لعمها
غزلبعصبيه : عمو بصراحه انا اتصلت عليك و رد صاحبك يقلي انو جوالك عندو ايش يبغا خير ايش هذا من متى عندنا الأصحاب يكلمو أخوات أصحابهم ول بناتهم شفلك حل ولا اوريله اللي عمرو ماشافو
عبدالله : هي هي هي هي اشبك اكيد انتي فهمتي الموضوع غلط اتربينا مع بعض هوهـ اتربا في بيتنا و احنا اتربينا في بيتهم يامااخدنا انا و هوهـ من ابوكي ضرب وحنا في الشجر مشعلقين نقطف لوز و منقه من شجرة الجيران ياما اخوه ورانا الويل و احنا نعاكس بنات الجيران سب و لعن و بهدله ويخلي بنات الثانويه يضحكو علينا استني ياشيخه خليني اشوف ايش الموضوع و اكلمهـ
غزل : مدري عنه المهم مايقرب مني ول يجي نحيتي انتا عارف يعمي اني ساكنه لوحدي في البيت من يوم ماابويا و امي سابو البيت ولا حس ولا خبر شوف ليا سنه ونص انا مااعرفهم غير بس في الصور ولا مؤ انتا ياعمي و عماني الله يخليهم يطبطبو عليه ويشوفو طلباتي كان كيف صارت حالتي
عبدالله : أف عليكي قلبتيها دراما الغائب الله يرده بالسلامه وماتدري ايش ظروفهم ادعليهم ربي يجمعهم بيكي يبنتي
غزل : بنتي ههههه والله ضحكتني ايش بيني وبينك ٥ سنين ٤ سنين روح روح شوف صاحبك المراهق وعقله

عبد الله : انتهـ كيف تستجرا تتكلم مع بنت اخويا حتى لو ناسي جوالي المفروض ماترد
عزام : عبدالله انتا فاهم غلط
عبدالله : مافي شي اقدر افهمه اكثر من كدا
عزام : عبدالله اهجد على فكره انا رديت عشان أباها تصلح بيننا و انا حتفاهم مع ابويا ولني مسافر غير معاك فاااااهم
عبدالله : استغفر الله العظيم ياا
عزام قاطعهـ : انا موقصدي اجرحك او أخون او اطعنك من ورى ظهرك لا انا قصدي انو بنت أخوك تصلح بيناتنا عشان هيه غاليه عندك و انا عارف دا الكلام لكن انتهـ الله يهديك تفهم الشي غلط قبل تعرف ليش انا عملته بعدين هيه زي اختي الصغيره بس لسانها طويل أف يالحفتني بالسانها ماخلت كلمه غير قالتلي هيه ممكن تقطعلها لسانها نيابتا عني
صدقني انك اخو بالنسبالي عمري مااعتبرتك صديق عمري ماافكر بكذا
عبدالله : آهه والله عارف انا متأكد انها اعطتك حقك وبزيادة انا خفت عليك ماخفت عليها منك بعدين يااخي كاسرهـ قلبي من يوم ماامها و أبوها سابوهاو سافرو وهادي البنت صايره زي القنفد
عزام : الله يردلدلها همه بالسلامه ويبعدنا عن لسانها
عزام حضن عبدالله وقال : عارف الكلام اللي بداخلك يااخوي عارف انك حتشتقلي يااخوي عارفه اني مااقدر افارقك وماتقدر تفارقني لكن اللي مبرد قلبي انك حتلحقني قريب ان شاء الله وحدور على شقتين ليه وليك لا تتاخر عليه
في دي الاثناء يدخل محمد اخو عبدالله يقله: جاني تلفون مهم عشانك يااخويا ومن الفرحه خليتهم حولولي هوهـ على الشاليه أبشرك جاتك البعثه وحتسافر انتهـ والعفريت اللي جمبك في طياره وحده
صراخ و زعيق و تهليل وفرح واحضان بين الأصحاب
......................................................................................................................
عبدالله : غزل يابنت غزل
غزل : هي هي هي بنت بنت إيه اللي تتكلم عنها ايش تبا يواد
عبدالله : يبت انا عمك لازم تحترميني
غزل : يواد انا بنت أخوك لازم انتهـ تحترمني
عبدالله : حطي شي على راسك و تعالي اباكي تقابلي شخص
غزل : مين هوهـ هادا الشخص
عبدالله : هادا عزام أباه بنفسو يوضحلك انو اللي كان سوء تفاهم لا اكثر ولا اقل
غزل :خلاص فهمنا مافي داعي
عبدالله : لالازم تفهمي هو مصر و انا كمان مصر تعال يا عزام اتفضل
غزل : خير يقول انك مصر وهوه مصر ايش في
عزام : ياامي هادي تخوف ان الله مع الصابرين اعطينا فرصه اتنسمي سيبي فرصه للهواء يدخل رئتك و يخرج انتي تدي الواحد على راسه تدي تدي تدي كل اللي ابا أقوله انك انتي زي اختي وأباكي تصالحين بيننا خفت انك فهمتي غلط خلاص قلت اللي عندي يلا روحي ماابا اشوف وجهك
غزل : عاجبك كدا يعني اتبهدلنا بسببك
عبدالله : أف من يوم ماكلمتو بعض انتو الاثنين غير بس اتضاربتو أف شي مقرف روحي قولي لناتي تسويلنا الشاهي
غزل : ناااااااااااتي سوي للاثنين دول شي يتسمموهـ وحطيلهم جمبه شي ياكلوه عشان لا يقولو عننا بخله يلا نكسب فيهم تواب قبل مايسافرو
ناتي : حاضر مس غزل

البارت السابع
عند عبدالله
عبدالله : عزام ايش رايك نروح السوق نجيب الاشياء عشان السفر
عزام : توكلنا على الله
عبدالله و عزام راحو السوق وهمه مرو على محل ذهب دخل عبدالله للمحل
عزام : فين رايح يشيخ ايش يدخلنا محل ذهب
عبدالله : تعال و انتهـ تعرف ايش ابغا
عبدالله بيكلم البايع : لوسمحت ابا سلاسل بناتي احدث موديل بس أبغاها من النوع اللي ينكتب عليه
البايع : حاضر هاذي تشكيله هيه أحلا شي عندنا
عبدالله : هادي بالضبط اللي انا أباها ايش رايك ياعزام حلوه
عزام : هيه حلوه بس لمين تبغاها
عبدالله : لغزووول عشان تعرف انو انا دائماً معاها
عبدالله بيكلم البايع : لو سمحت اكتب عليها حبوبهـ عمها
البايع : من عيوني
عبدالله : ايوه صح و غلفلي هيه تغليفه مرتبه احنا نروح نكمل مشترياتنا ونرجع تاني
البايع : ابشر
يــــــــــوم الـــــــسفر
اجتمع الكل لوداع عبدالله
اخد اخوهـ محمد على جنب
وهمس في أذنه
عبدالله : غزل امانه عندك لا أوصيك عليها
محمد : قوم ياواد توصيني على بنتي مايحتاج هادي بنتي
عبدالله : خليكم انتا و عيالك قريبين منها
محمد : ان شاء الله
عبدالله : وطمنوني على أخباركم و اخبارها اول باول
محمد : اودعتك عند اللهو اهتم في نفسك وشد حيلك و ارجعلنا سالم غانم بإذن الله
عبدالله : ونعم بالله
سلم على الجميع
ووقف عبدالله قدام غزل
غزل بكيت ورمت نفسها فحضن عمها
سلم عليها وحضنها بعمق
عبدالله : غزل لاتبكي ياحبيبه عمك والله اني مسافر وتارك قلبي هنا معاكي
غزل : انتهـ عمي و اخويه و صديقي وقبلهم كلهم انتهـ ابويا اكلم مين دحين مين يسال عني مين يدخل الفرحه على قلبي
عبدالله : بس يبت انا حاموت تتفاولي عليا بعدين هيه كلها كم سنه اخلص الماجستير و الدكتوراه و ارجعلكم غمضي عينك غمضي غمضي بسرعه عزام طابق الدنيا بره و بواري طبق الشارع
غزل : طيب خلاص هيه غمضت
عبدالله فتح العلبه و لبسها السلسله في رقبتها
عبدالله : هيه افتحي عينك
غزل : يالله ياعمي قد ايش حلوه
عبدالله : هيه لاتشيليها من رقبتك عشان تعرفي اني دائماً معاكي وقريب منك في اي وقت محتاجتني اتصلي بالسكايب عليه و على طول كلميني و اول ماتسجلي في الجامعه طمنيني انتي ايش سويتي اودعتك عند الله
....................................................................................................................

البارت الثامن
ناتي : غزووول يلا قومي انتي اول يوم جامعه لازم تروحي بدري يلا انا خلاص فطور انزلي افطري عشان تروحي الجامعه يلا قوام
غزل : اف كل يوم مدرسة كل يوم مدرسه
ناتي : انتهـ لسه مافي قوم انا قولك جامعه مافي مدرسه ٣ شهر مافي تعبان من البيت خلاص يلا روح
غزل : روحي لااشوف وشك دحين انزل أفطر
ترررررررررن ترررررررررن
غزل : الـــووووو مــييييييين رهف تعدو عليا ول أعدي عليكم عشان نروح الجامعه مع بعض
رهف : عدي علينا
غزل طرررررقع طن
غزل وصلت بيت رهف
ترررررن ترررررن
رهف : مين
غزل : يعني مين في احد غيري حيجي يبتلي فيكم و ياخدكم يلا نكسب فيكم تواب
رهف : بس يبنت انقلعي مؤ كفايه صكيتي التلفون فوجهي والله انك دمك تقيل و ماتستحي
غزل : رهووووووف زعلتي ماكان قصدي على فكره البحر قريب خلصينا
رهف : دحين انزل
.....................................................................................................................

عند بوابه الجامعه
غزل : يبنات حاسه برهبه وخوف
رغد : والله حتى انا مني عارفه اروح فين و اجي منين
رهف : ول شي نروح عند كليتنا و نأخذ الجداول
الكل : يلا اتوكلنا على الله
غزل : يبنات جدولي كتير ١٦ ساعه
رغد : وانا كمان
رهف : لا انا ١٤ ساعه ومو كل يوم
غزل و رغد : اف عليكي حظ احنا جداولنا من الصبح الى العصر طحن معامل
رهف : خمسه وخميسه جينا للحسد والعين المدوره يبغالي البس خرزه زرقه
غزل بتتصل على عمها
غزل : كيفك يعمي ووحشتني موووووووووووووووووووووووووت
عزام : اهلا غزل هذا انا عزام مؤ عمك
غزل : فين عمي
عزام : في المعهد لسه مارجع زي منتي عارفه بيدرس فرنسي عشان لازم يقوي اللغه
غزل : الله يقويه لو سمحت قله اني اتصلت
عزام : ان شاء الله
غزل : اودعتكم عند الله
عزام : وانتي في الوديع لحظه لحظه مافي لسان طويل غريبه مؤ عادتك دائماً تزعقي وتشوتي هنا و هناك
غزل : مين قلك اني انا وحده مجنونه انا وحده تحترم نفسها و تحب انو اللي قدامها يحترمها يلا يلا خلاص مع السلامه شكلي اعطيتك وجهه
عزام : لاحول ولا قوه الا بالله مافي فايده فيكي ول في لسانك هادا يلا روحي مع السلامه
.....................................................................................................................
من تاأليفي

» مبروووووووك لفتاة القمر المضيئ