بالروح العب لعب ياما لعبت اهواي
وبكَليبي اجرح بعد انته الجرح ودواي
محبوبي تبقى الي وانته الهوى والماي
ياما عليك اسألت الراح واللي جاي
ما شفتو حبي الذي صوته صوت الناي
والعين ابلا كحل من الله بيهن كحل
والصعب يمه سهل والسهل ما ينحمل
والشفة يا صاحبي مو شفة جنهن عسل
متكَلي بله اعليك امنين الك هالعين
ومعقولة مثل البشر انته صرت من طين
دوخني حبك ترا الواحد اشوفه اثنين
ويوم الذي ما تجي ايصير جنه شهر
اكعد لحد الصبح ليلي ونهاري سهر
اشبيك بيه ما تحس مشبعني ضيم وقهر
صدكَني مثل الخلكَ انه يولفي بشر
