بيع ثكل و النتيجة مضمونة
هاي اكو واحد فطير .. انقبل كلية ، استشار احد المتخرجين السابقين اللوتية .. كلله شلون اكبل وية البنات؟
كلله اني اعلمك طريقة توب
كله شلون ؟
كلله بيع ثكل النتيجة مضمونة
هذا صاحبنا (باع ثكل) .. و بقى يبيع ثكل لحد ما خلصت السنة كلشي ما حصل، و العالم كبلت و مرتاحين و هو ظال وحده مثل البومة
راح للـ (ناصح).. كلله (شنو انته تضحك علي، بعت ثكل سنة كاملة و كلشي ما حصلت و العالم مستفادة و اني باقي هيج)
رد عليه (ما الك علاقة ، هاي المرحلة الاولى هيج كلاوات، بالثاني الشغل الحقيقي النتيجة مضمونة .. انته بس ابقى بيع ثكل ، و هنة يصيرن مكاتل عليك )
- هاااااا ؟
- مثل ما اكللك .. اخذها مني اني مجرب
شسوة صاحبنا من بلشت المرحلة الثانية .. باع ثكل .. باع ثكل .. باع ثكل .. كلشي ماكو .. و الناس لاعبة جولة و هو خلصها السنة يمشي وحدة
رجع لصاحبه طاكة روحه
- انته تضحك علي انته شايفني قشمر، اني كلشي ما حصلت من وراك
غمزله صاحبنا
- شبييييك انته مستعجل .. يا معود هاي بالاول و الثاني بعدهم عقولهم زغار ، بالثالث الشغل التوووب انته بس ابقى بييع ثكل و ما الك علاقة خلليها وراي
هذا هم عبرت عليه .. و استمر يبيع ثكل بالثالث .. و طبعا نفس الفلم تكرر ...... و هو لو عنده غير طريقة جان جربها هع .. المهم رجع لصاحبه .. حزين بائس
- ها شبيك
-شبيه .. ابيع ثكل صارلي 3 سنين و كلشي ماكو ..
- و شبيك ضايج ؟
- لعد شاسوي اركص .. هاي الكلية راح تخلص و اني كولشي ما محصل
- هاي شبييييييييييك .. يا معود انته ما تدري، هو بالرابع الشغل
- كافي لا تضحك علي، اني هل سنة راح اصير مطكطك و شقندحي و احصل حالي حال العالم
- هاي شبيييك لا تخرب شغل السنين ، .. انته بعد مشيت بطريق الثكل ، بالرابع كلهن يدورن زواج و يريدن واحد ثكيل و رزن ، لعد تريد تخربها للسالفة من تالي
- هاا ؟
- مثل ما اكللك .. اخذها مني .. انته بس ابقى بيع ثكل و شوف النتائج الباهرة عااا
صاحبنا صعدت معنوياته ، و قرر يبيع ثكل للسنة الاخيرة، .. و بالفعل باع ثكل و باع ثكل و باع ثكل .. و ما تغير شي طبعا .. بس شايل خشمه و يمشي وحده .. .. و خلصت السنة ..و تخرج
رجع للناصح المصخم
- هاي ليييش ضحكت علي
- هو غير انته فطير و صدكت .. هي مال ثكل بهل وكت
- طيب و هسة شاسوي ؟
- هسة كافي بيع .. عاد لم الارباح خخخخخالنتيجة مضمونة
