يمر أبالي ذكـــــرك من يجـــي الليل
وتفز أعيوني لجلك ثاكلـــه أبعبره
وأحسك يمي كاعد تضحك أشمحلاك
جن ضحكة طفل ماتم سنـه أبعمره
قريب أنته علي بس ليش أحس أبعيد
جن بعد ألارض عن كوكب الزهره
وأنته البيه عايـش وآنه عايـــش بيك
مثل دمي احسك بالجســـــــم يسره
يمر طيفك عليه وريــــت لا مــــــريت
خايب بالصدك منــــــــك ردت مره
يمر طيفك عليه وتصـــحه بيه أجروح
كثيره إجروح كلفه ومـا أظن تبره
مرات أرد أخبرك وأشكي هــــم الروح
وأتراجع وأكولن يللــــــه ما خبره
لأن بيك آنه أدري أنسيــــت من أزمان
جرحي الـ بالكلب ما تهتـــم لأمره
ولا يهمك عذابي العشـــــت بيه أسنين
هوه آنه أنجرحت وأبـــره ما أبره
ولا جني أعله مودك عفـــــت كل دنياي
وضيعت أصدقائي وكلت ماخسره
ولا جني أكتبتلك مني كومــــــــه أشعار
وأسطرهن أكبالك وأدري ما تقره
أمس بالطيف شفتك والكلــــــــب محتار
يدك إبلايه راي أتخربـــــط أبنبضه
ولا جنك جرحته وجرعيتـــــــــــه الويل
ولا جنك بديك الطيحـــــــــــت حظه
رغم هاي الجروح ورغم كـــــــل الصار
ما رايد أبغيـرك هالكــــــــلب يحضه
لاكن راح أكابر وأنسه بيـــــــه أجروح
من اليوم أعوفك أرضــــه ما أرضه
وأخر كلام أحجيه يالبــــــــــــــــــــذات
إبشر مثلي يحبك واللــــه مـا تحضه
