بدلت كلمة أحبك وأنت سميتك)
مليت أعتب عليك وأنت مو حاس
وأنت بلا معاتب أني حسيتك
أريدك يمي تكعد وأحجي وياك
وأفتحلك بيت كلبي وتكعد أبيتك
وأسولفلك عليه أبعدك شصار
شلعت عيون وجهي وأنت خليتك
من كدما أفكر صرت مجنون
حتى أسمي نسيته ومانسيتك
من يوم العرفتك كرهت كل الناس
وبس أنت الوحيد الأني حبيتك
زعلت مرة أنت روحي وقررت أنساك
بنفس الساعة جيتك وأني راضيتك
تذكر من ردت تحترك بالناس
بكل برد وسلامة بروحي طفيتك
قانون العشك لازم أبدلة اليوم
ودستور أني أحطك بيدي سنيتك
فقير الحال حالك قبل وياي
ومن وياي حالك أني غنيتك
أحبك كلمة سهلة بحلك هالناس
بدلت كلمة أحبك وأنت سميتك
